odven's blog

多位年輕歌手出現走音、甩嘴、入錯Key的情形，
這些唱現場失準的歌手也不純是新人，
有好幾位已是入行多年且有知名度的，
可見他們的歌藝並沒有隨時日進步，反而每況愈下。

在頒獎禮獻唱，當然要唱現場，
這對有實力的真正歌手而言難度不大(應是基本吧)，
只是難為了那些學藝不精的偶像歌手。
畢竟唱現場(多數)無花無假，不似在錄音室炮製唱片，
隨時可以用高超科技搭夠。
科技進步，即使五音不全或是走音、甩嘴，都能錄出完美唱片。
尤其是現在，基本上如果唱現場都不准咪嘴夾口形，
這對不少新晉歌手真是一項很大的挑戰。
(有如救生員去救人自己不可以先行溺斃…真是一項很大的挑戰？)

如今做要歌星太容易，出唱片也實在太濫，
賣的不是歌藝而是青春與色相，靠的是包裝與推銷。
捧一個歌星出來實在不難，但你不能對他們有任何的期望。
事實上，這些新晉歌手也冒升得太快，
兼顧瓣數太多也太雜，羽毛未豐就儼然大明星一樣，
根本就沒有時間與精力在歌藝方面進修，
你說能對他們有所要求嗎？

但實際觀看現在一輩對唱手的心態，
跟我實在說不出個甚麼來，下引一例。

近日事件，由於棒棒堂演唱會被指「咪嘴」，
黃貫中笑言可能他們是專業「咪嘴」，有人喜歡便可以，但自己很怕咪嘴。
范曉萱亦認為歌迷不介意便沒問題，她沒試過咪嘴。
(我認為二人答得已相當有人情味…)

之後, 在黃貫中的 Blog 內 (http://hk.myblog.yahoo.com/wongpaul_hk/)
則有大量擁現的棒棒堂粉絲回應。

以下內容轉自黃貫中Blog內其中一些回應 :

(1) 唔好再話我地棒棒fans啦, 棒棒係最好ga,
佢地冇音樂又點丫,做人最緊要係靚仔, 你地明唔明?
佢地咁靚仔, 即係佢地有內在美啦, 因為相由心生丫ma
你睇我講野咁中肯, 就知我地棒棒fans有文化啦,
唔似你地, 以為樂壇最重要係音樂, 係樂壇, 最重要你靚仔, 係社會,
最重要你靚仔, 係人生都係. 咁簡單, 你地都唔明?
你地有冇受過教育ga???!咪咀係唔緊要, 就算佢地啞既, 都唔緊要,
因為佢地靚仔, 佢地一定係o岩, 一定係最好既, 永遠支持棒棒, 咪咀也是對的

(↑相由心生…)

(2) 你地paul既fans睇清楚啦, 棒棒3隻碟就去紅館,
我夠膽講, 就算佢地1隻碟都未出過, 什至1首歌都冇唱過,
一樣可以去紅館開演唱會, 到呢刻, 你地都唔明

(↑其實想人明d乜?)

(3) 就算棒棒係啞既, 都改變唔到佢地真係好靚仔呢個事實,
音樂唔係只靠耳聽ga, 係要靚仔ga, 唱歌都係想lum人姐, 佢地未開聲,
我地都lum晒啦, 使咩要開口唱, 層次幾高, 唔使我講啦??
以上講咩, 你地好好自己參透下

(↑參透中…)

(4) 黃貫中收皮, BEYOND收皮, 做人有內涵有乜用?有學識有乜用??音樂勁有乜用???
最緊要緊係多肉棒!身為棒棒堂fans 我地已經睇透左世事!
音樂勁根本冇用 只有肉棒先係人生的追求!!做男藝人都只不過係為左做高價鴨
棒棒堂唔使唱歌純咪咀我地就滿足!! 仲需要開口唱歌??
我地誓死要改變樂壇「做男藝人一定要開口唱歌」的歪風!

(↑哩個我強烈懷疑其實係黃貫中Fans...)

(5) 你明唔明呀, 你地有冇讀過書, 小學生都有青春期, 我地需要靚仔有咩問題?
音樂可以解決我地既需要咩?? 你地咁都唔明??
我地要既係棒棒呀, 靚仔既棒棒呀, 音學? 識彈樂器有咩用? 識作歌有咩用?
成日唔進步, 以為樂壇要音樂人, 我地要改變呢個歪風

(↑消防局需要消防員…是歪風)

(6) 唔該你地班反棒棒糖既人走la, 就算阿paul真係有實力又如何,
佢就係唔夠棒棒糖靚仔呀MA, 呢個年代仲講D咩感染力???冇呢支歌仔唱嫁LA,
現今樂壇根本就係, 你的樣子如何, 你的日子也必如何, 要好似BEYOND一樣紅?
唱功實力通通不重要, 個樣殺食就得, 只要個樣得 咪咀一樣唱得咁好聽,
只要棒棒糖仍是棒棒糖, 他們放的屁也是香的

(↑其實哩…乜野叫做「咪咀一樣唱得咁好聽」?)

同學間有時於網上無所不談，所談之事上到政治下至電影等等，
而其觀點個人認為非常有趣，所以我認為有分享的理由︰


Ａさん︰有套戲叫"靖國神社", 有個中國人拍了十年拍的
Ａさん︰佢在那裡"部"了十年
Ａさん︰年年戰敗日都去拍...

Ｂさん︰唔知佢拍果陣怕唔怕俾人打, or 已經有幾十個打手係身边
Ｂさん︰問題係一個中國人係果度拍, 本身已經好危險
Ｂさん︰等於有個日本人係中國民工之中, 但果d 民工唔知佢係日本人咁.
Ｂさん︰到拍到個日本人俾中國民工打, 可能又會有人話套片拍得好中肯.
Ｂさん︰因為係正常反應.

Ｏさん︰我認為你睇左就會比較明白...無謂咁多比喻
Ａさん︰yes

．．．．．．．．．．．．．．．．．．


Ｂさん︰你講起示威, 突然諗起雪山獅子女.
Ｂさん︰佢地低能, 主要係中國重來無压迫佢地.
Ｂさん︰只係鍾意係佢地個地區前面加中國兩字攞個彩.
Ｂさん︰但一直有係經濟上支持佢地, 咁佢地都要反??
Ｂさん︰中國唔理佢地, 一早餓死晒.

Ａさん︰我唔支持一黨專政
Ａさん︰但現在看來唔一黨專政中國更多問題

Ｂさん︰是的.
Ｂさん︰即係如何五年選一次特首
Ｂさん︰起碼有一年全澳門的生產力下降晒
Ｂさん︰人人去助選
(↑先不管是否同意，最少我認為是非常有趣的見解！)


．．．．．．．．．．．．．．．．．．


Ａさん︰係"歐"哥件事, 佢(何生)個身份根本係好關鍵性的,
Ａさん︰但佢冇出來澄清d mud?
Ａさん︰現在眾人既罪都歸到歐先生既身上

Ｂさん︰但更多人都睇得出龍係係出黎受死果個.
Ｂさん︰無法, 佢係一個演員, 呃晒我地.
Ｂさん︰佢重差左d 野可以令全澳市民都企出黎.
Ｂさん︰佢既目標係搵錢發財, 其他完全冇內涵的...
Ｂさん︰真係好想講粗口, 心入面有團火...發火
(↑……)


．．．．．．．．．．．．．．．．．．


Ａさん︰早兩天去看了"暗戀桃花源", 真係好野來的...
Ｂさん︰什么种類?
Ａさん︰ 悲喜交錯的劇種
Ｂさん︰睇落似咸片名.
(↑很好…)

智慧再被脫了，這是第二次去脫智慧齒(都是上排的)。
因為下午上時班，它突然隱隱痛起來，
索性一到下班就去脫了它。(真豪邁...)

記得上一次去該牙醫時，已是二三年前的事。
上次那隻也是找他脫的，而在那之前也光僱了一段時間。
一直以來該牙醫都沒多話說的，
可是今次卻不停的說得不亦樂乎…而且說得實在「精彩」。
所以一定要回來節錄下來︰


(因為還要補另一隻牙)
牙醫︰「你隻牙有二個窿仔，我都係收一個窿錢咋，
見你咁遠都黎哩度(病歷卡有地址)我都唔知講乜好勒。」
我 ︰「……………」

牙醫︰「拿，俾你睇下真係蛀左架，我地唔係好似其他人咁呃你。」
我 ︰「……………」

牙醫︰「唉，人就係咁架喇，為生為死就係為整牙。」
我 ︰「……………」

牙醫︰「牙哩，就同女人一樣，有又煩無又煩。」
我 ︰「……………」

牙醫︰「要好做就做地產，做牙醫都唔係幾好，
我搵埋都係搵俾佢地。又唔使讀咁多書。」
我 ︰「……………」

醫 ︰「牙醫，人人都驚睇，聽到都痛咁。
但其實都係睇手勢，唔係個個好似我咁。」
我 ︰「……………」

牙醫︰「但我係牙醫，我自己唔驚…」
我 ︰「……………」

牙醫︰「而家做牙醫都要講下笑…你話係嘛？
如果唔係連心理醫生都幫唔到我地。」
我 ︰「……………」

(牙醫拿住支銀色麻醉針…)
牙醫︰「睇到你地打針我都覺得痛，我都係人黎架嘛…(插入)」
我 ︰「!!!……………」

(牙醫脫牙出力中…)
牙醫︰「噢～～～！ 唔甩！勁呀！！好！等我攞把勁野黎…
拿! 哩把就叫xxx(忘了)，睇下啦。」
我 ︰「!!!!!……………」

牙醫︰「我唔想嚇你，你遲D再黎睇下喇。」
我 ︰「!!??……………」

(做好之後，臨走時…)
牙醫︰「牙哩D野，有時係遺傳既，再見。」
我 ︰「???……………」



註︰為何我全程都是「……………」，並不是我不想回答，
而是整個過程我都是被強行張開嘴的…(雖然還是被不斷問問題)

和我同期進公司的同事謀了個高就，要離開了。
剛好就是我去年進此公司的那一天。
雖然大家部門不同，之前也合作愉快的啦。
卻喚起二年多前偶主動離開當時工作環境的心情，
二年多前的公司，是一間非常特殊和獨特的公司。
二年多前的辭職信也成為我其中舒懷的地方。
寫這樣的辭職信是壞榜樣，好孩子不要學。

以下引當年真實原文︰


敬啓者︰

您好。

首先，在貴部門工作的這九個月以來，收穫良多。在領導以及同事的幫助下使我掌握了很多非本專業的知識，開闊了眼界，增長了閱歷。其次，公司的工作氣氛很好。部份某些同事們工作亦很努力，某部份地方甚至沒有素餐尸位的同事。使我在公司感受到不錯的氣氛。誠然，論工作環境、團隊、壓力，甚至公司地點，我都很滿意。

無奈之下提出辭職，客觀原因是本人將會在短暫的將來到「XXXX」擔任上「XXXXX」(XXXXX) 的職務。能夠發揮出個人的專業外，工作亦可以作出實實在在的生產力是我個人比較傾向的志。以借此機會重新再一次確定我個人未來的方向。當然此外較現實的客觀理由是公職的待遇福利亦並不像以往般子虛烏有，而是透明實在得多。除了客觀原因外，主觀原因使我當初會考慮擔任此新職位的原因，則是我當初進公司時，是覺得以本身本科專業之長，憧憬或許可以對公司︰澳門的龍頭產業中微力略獻。但在不長的僅僅數月裏雖不敢說受到黃鐘毁棄，乃仍算在不短的近一年當中自問未得綿力盡出。或許是公司對於賢能的選取、待遇的評定，有自己獨當一面的方向。這使我對於公司的工作操作方式很難跟上節奏。因此為了不再給管理層添加負擔與麻煩、拖倒公司的資源。經過深刻冷靜的思考後，鄭重的特此向公司提出辭職要求。而我，作為一個普通員工的離去，希望亦理應不會對公司帶來任何的不便。

願此辭職信於2007年6月28日生效。

最後，我也只能忠心對您說對不起與謝謝您。

祝公司業務未艾方興，相形見優！

您忠心的XXX員工 謹上

今天是在公司的最後一天(晚)了，即俗稱的「Last Day」。
(過了十二時，正確來說是昨日。)
買了兩盒的小食回去給同事們分享，一點點心意吧。
我的上司今天不在公司。但還特意打電話回公司給我，
內容是︰工作的內容。 ----- 對我真好。
我也將這件工作置諸腦後。
原因不是我懶惰，而因這是一件不切實際的工作。
做來唯一的用途只是給上司邀功。
偶，才不作這種差事。

不過說到底，雖然在這間公司工作時間不長。
但倒有些值得懷念(恨)的地方，例如︰

- 水準能穩定保持中下至下下的員工飯堂。

- 要先上四層扶手梯，再搭電梯下六層的愚蠢工作地點。

- 求職版經常被翻爛(甚至失蹤)的報紙。

- 公司裏的國家地理頻道和周刊。

- 無限供應的濕紙巾和感冒藥。

其實最教人難忘的，是我以前本身的工作︰
「回答白痴的白痴問題。」

白痴問題精華(1)
白痴一號來電︰我的電腦鎖了！
偶︰怎樣鎖了？
白痴︰螢光幕上有把鎖，鎖了﹗
偶︰(汗…)那你按ctrl+alt+del再輸入密碼好了。
白痴︰按啥?
偶要逐個字母讀告訴個白痴才懂是那三個英文字。
偶︰找到沒？找到就按下去好了。
白痴︰按完都沒反應。
偶︰(汗…x3)要同時按。
白痴︰哦…還是一樣的。
偶︰那有甚麼出現啦？
白痴︰甚麼也沒有，只是有些水波紋…
偶︰(崩潰)要按鍵盤的，不是按(LCD)螢光幕那些字…
白痴︰早說！它現在叫我輸入密碼了。
偶︰那好。
白痴︰哪我的密碼是啥？
偶︰(崩潰x12) 我哪知道﹗﹗﹗

白痴問題精華(2)
白痴二號︰Floppy 插不進去。
偶︰插反了吧。試試碟的另一邊。
白痴︰上下左右正反八面都試過了。
偶到達現場，輕易把Floppy碟插進去。
白痴︰剛才我明明不能的。
偶︰哦…

白痴問題精華(3)
白痴三號來電︰那個程式停了。
偶︰Reboot 一下好了。
白痴︰我己經重新開機好幾次了，還是老樣子。
偶︰不是要關掉螢光幕﹗而是關掉主機…
(同樣的事，己領教了好幾個白痴了。所以得來經驗。)

白痴問題精華(4)
白痴四號來電︰螢光幕穿了﹗
偶︰(驚訝狀)怎樣穿了？
白痴︰總知是穿透了﹗現在見得到後面了﹗
偶(緊張兮兮的)到達現場。明白了…
原來某個程式掛了，在那個程式上面出現了背後的壁紙…

這些，就是我前公司的優秀而高薪的員工。